“Баян шувуу” ХХК нь хөдөө аж ахуйн цогц үйлдвэрлэл, үйл ажиллагаа явуулах зорилготой 1998 онд байгуулагдсан, өндөгний үйлдвэрлэлийг гол чиглэлээ болгосон үндэсний үйлдвэрлэгч юм. Бид анх НВЦ ХХК-ийн 100% дотоодын хөрөнгө оруулалттай, Баянчандмань сумын үндсэн аж ахуй нэгжид бүртгэлтэйгээр Мон Эгг ХХК нэртэйгээр үйл ажиллагаагаа явуулж эхэлсэн. 2003 онд Баянчандмань сумын ферминий аж ахуйг түшиглэн 100 мянган шувуутай үйл ажиллагаа эхлүүлсэн ба 2011 онд Герман улсын орчин үеийн техник технологи бүхий бүрэн автомат 1 сая толгой өндөглөгч шувууны аж ахуйн бүтээн байгуулалтыг хэрэгжүүлсэн. Өнөөдрийн байдлаар Баян өндөгний үйлдвэр нь 1.5 сая толгой шувууны хүчин чадалтай, 500 гаруй ажилтантайгаар дотоодод үйлдвэрлэгдэж байгаа нийт өндөгний 50% хувийг Баянчандмань суманд үйлдвэрлэдэг Монгол Улсын Тэргүүлэгч Шувууны аж ахуй юм.